Popular Bible Verses from CHIDZIWISO 16

Share

Mbuya akulonga kuti, “Ngavani! Ndikudza ninga mbava! Ngwakutsanzaya ule anakhala m'maso mbakoya nguwo zache chifupi na iye, towera akhonde dzafamba chipezi-pezi mbachita napyo manyadzo!”

Tenepo mngelo wachitanthatu adakhuthulira ndilo yache pamkulo ukulu wa Yufurate. Mkulo udauma kupereka njira kuna mafumu akubulukira kumabulukiro dzuwa.

Yeneyi ndi mizimu mitatu yakuipa, ile imbachita pyakudodomesa. Mizimuyi imbaenda kuna mafumu a padziko yonsene yapansi kugumanyisa mafumu onsene pabodzi kudzamenya nkhondo pa Nsiku ikulu ya Mulungu Wamphamvu zonsene.

Tenepo ndidaona mizimu mitatu yakuipa ile idaoneka ninga anyanchidwe. Mizimu yeneyi ikhabulukira m'kanwa mwa nthonga, m'kanwa mwa chirombo na m'kanwa mwa mprofeti wakunama.

Iwo adapiswa na kupisa kwakugoswa, tenepo anthu ale adatemberera Mulungu, ule ana utongi pamiliri yeneyi. Kwache iwo hadaleke pyakudawa pyawo mbakuza Mulungu tayu.

Mngelo wakutoma adenda mbakakhuthula ndilo yache padziko yapansi. Pironda pyakugoswa na pyakupha pidabuluka m'manungo mwa ale akhali na chidindo cha chirombo na mwa ale adapembedza mfanikizo wache.

Tenepo mizimu ile idagumanyisa mafumu onsene ale pabodzi pene pambuto yakuchemerwa Aramagedo.