Popular Bible Verses from CHIDZIWISO 17

Share

Iwo anamenya nkhondo na Mwanabira; kwache Mwanabira pabodzi na anthu ache akuchemerwa, akusankhulwa na anyakumtewerache akukhulupirika anakunda chirombo thangwi Mwanabira ndi Mbuya wa ambuya, pontho Mfumu wa mafumu.”

Mngelo mbodzi mwa angelo anomwe adathukula ndilo zinomwe ale adadza kuna ine mbalonga mbati, “Bwera ndikuonese kutchunyuswa kunafuna dzachitika kuna puta wakuveka, ule ndi mzinda ukulu wakumangwa pakati pa mikulo mizinjiyi.

Chirombo chidaona iwe chile, chikhali na moyo kale ene, mbwenye chinchino nkhabeve moyo tayu. Kwache chinabuluka ku Chiphompho chikulu mbachienda kavungwa. Anthu akukhala padziko yapansi ale madzina adakhonda lembwa m'bukhu ya moyo kutomera kulengwa kwa dziko yapansi, anadodoma angachiona chirombochi, chile chikhali na moyo kale ene, mbwenye chinchino nkhabeve moyo tayu, kwache chinaoneka pontho.

Pachipumu pache padalembwa dzina yakuzimbaisa yakulonga kuti, “Babiloni, mzinda ukulu iwe, mama wa maputa onsene, pontho wa pyakunyansa pyonsene pya dziko yapansi.”