Popular Bible Verses from 'Ba Ebraniani 13

Share

Ava silingi lezuri ma ovu emi ma asisilea ku, afa emini ovuzu yi be ’diyi ma fu dri emini ra; a’disiku eri ma ngulupi ’yo ra, Ma ngani ece mi aza kozu ku, ma ngani mi ku ku indi.

Yesu Kristo ojani i ku, aje, andru, kpere ’dani ’dani.

Ka’dini ama ’yo ani asi tezasi, Opini ’ba ma aza kopiri, ma ngani ru ku; ’ba eco ma ruaa a’di ’yezaru ya?

Te emi ma avi e’yo onyiru ’yezu azini afa feza fezu ’ba dri ku, a’disiku Mungu le edeta awa’dinile ’diyi tu.

Yesusi ama ma ede ani edeta inzitaniri Mungu dri etuzu etuzu, ’di efi ama tile eri ma ru e’dapi ’diyini ’yaleri’i.

E’yo oku bizani ma ovu inzizaru ’ba dria ma eselia, azini e’yo agupi pini yi ecizu oku beri ma ovu ezazaru ku; a’disiku Munguni nga ’ba mile aci be ’diyi pi ma e’yo li ’ba ali o’bapi ’diyi beni.

Emi ma avi omu a’izu avasi wa’diru ku, te geri ’dinilerisi ’ba azini a’i mira malaika omu yiniru, nikokoru.

Te Mungu asi anzuruni Opi amani Yesu ’ba kabilo ocepi amboro nderi engapi ’ba draza ma eselia; aziza ’dani ’daniri ma arisiri, ma ede emi ovuzo fudri ci afa onyiru driasi e’yo erini leleri ’yezu, e’yo ovupi onyiru eri ma miliari ’yezu ama alia, Yesu Kristosi; diza ma ovu eri vu ’dani ewule ewule. Amena.