Popular Bible Verses from Yakoboni 1

Share

Emi ka ovu obeta ndu ndu ma alia, ma adripi, e’yo ’diri ma ovu emi dri ayikoru, emini niria o’biza a’ita emini o’bizuri eri asi teza eji.

Te ’ba azini emi eselia ka ece onduasi ra, eri ma zi Mungu afa fepi ’ba dria dri avasi, egapi ’ba dria kuri ma tia, eri nga ovu fezaro eri dri.

Adripi mani lele ’diyi, emi ma ni ’diri. ’Ba dria ma ovu e’yo erizu mbele, e’yo ’yozu e’yere, adra ’bazu mbele ku

Emi ku asi teza ma de azi ini dri fuzu ’yeke, emi ma ovu ani fudri ci afa dria be ’yeke, emini ani ecezu e’yo alunisi ku.

Te emi ma ovu ’ba e’yo ’yepi ’diyiru, te ’ba e’yo eripi bilesi toko ’yepi ku yi ngulupi icipi inzosi ’diyiru ku.

’Ba pa sopi obeta ma alia ci asi tezasiri eri drilebaru, a’disiku eri ka nga o’bita eri o’bizuri aga ’bo, eri nga ekilaza idrini Opini ndra azile ’ba eri lepi ’diyi driri isu ra.

Afa feza onyiru dria, azini feta kililiru ’diyi dria ibi enga uru, esizu va engazu Ata diza beri vu, Ata nde i ojapi ku ovu­pi endrilendri ojataniri be kuri’i.

Te ’ba ka ovu ’ba e’yo eripi bilesi toko ’yepi kuriru, eri ovu ekile ’ba i ma ngulupi ma mileti ndrepi mandara ma aliarile; te eri ka i mileti ama ’bo, eri mu ra, coti mileti erini te e’dapi ngoni yari avi eri dri ra.

Dini Mungu inzizu alaru ezata kokoru Mungu Ata ma miliari eri ’di’i imvoanzi pi andrizu awuzi pie ocoko yini ma alia, azini ’bani i ma agei tezu e’yo nyakuni kazu eri ezazu ku.

’Ba ovupi obezaruri ma ’yo kini, Mungu obe mani, ’dini aluni ku; te ’ba econi Mungu obezaru e’yo onzisi ku, Mungu obeni vini ’ba ku indi; te ’ba alu alu ovu obezaru li erinini eri sele jile bileni ewilerisi.

Te adripi valeruri ma ovu ayiko be yini eri ’bale ururisi