Popular Bible Verses from Xuíces 6

Share

E viuno o anxo do Señor, e díxolle: —"Que o Señor estea contigo, home valente!"

Entón volveuse a el Iavé e dixo: —"Vai con esa forza que tes e salva a Israel das mans dos madianitas. E logo non te envío eu?"

E díxolle Iavé: —"Xa que eu estarei contigo, baterás ós madianitas como se dun só home se tratase".

E replicoulle Guideón: —"Escoita, meu señor: se Iavé está connosco, por que nos atopamos con todo isto?; e onde van todos os seus milagres que nos contaron nosos pais, dicindo: Logo non nos fixo subir Iavé de Exipto?; e agora o Señor rexeitounos e púxonos nas mans dos madianitas".

E replicoulle: —"Perdón, meu Señor, de que xeito vou eu salvar a Israel? Velaquí que o meu clan é o máis pobre de Menaxés e eu son o máis novo da casa de meu pai".

E chegou un anxo do Señor e sentouse debaixo da aciñeira que hai en Ofrah, que é de Ioax o de Abiezer; e Guideón —o seu fillo—, estaba batendo o gran de trigo no lagar, ás escondidas dos madianitas.

E construíu alí Guideón un altar para o Señor, e chamoulle Iavé Paz, ata o día de hoxe. Está en Ofrah de Abiezer.

E engadiu Guideón: —"Por favor, se atopei benquerenza ós teus ollos, fai para min un sinal de que es ti quen está falando comigo.

E respondeulle o Señor: —"Paz para ti. Non teñas medo, non vas morrer".

Fixeron o mal os fillos de Israel diante de Iavé, e púxoos o Señor nas mans de Madián durante sete anos