Popular Bible Verses from Santiago 4

Share

Sédelle, logo, ben mandados a Deus; facédelle fronte a Satán e arredará de vós.

Achegádevos a Deus e El achegarase a vós. Lavade as mans, pecadentos, limpade os corazóns, homes falsos.

Abaixádevos no acatamento do Señor, que El vos ha soerguer.

Pero meirande é a graza que nel concede. E por isto di: "Deus arrepónselles ós soberbios, pero ós humildes dálles a súa graza".

O que coñece o ben que ten que facer e non o fai, comete pecado.

e, se pedides, non recibides, porque pedides só co devezo de satisfacerdes as vosas cobizas.

Desleigados! Seica non sabedes que a amizade con este mundo é inimiga de Deus? E así quen quere ser amigo deste mundo faise inimigo de Deus.

Pero se non sabedes o que vai ser de vós mañá! Porque que é a vosa vida? Unha fumarediña que aparece e desaparece no mesmo intre.