Popular Bible Verses from Isaías 42

Share

Eu, o Señor, chameite por causa da xustiza, collinte pola man e protexinte, e convertinte en Alianza dun pobo e en luz das nacións, para que lles abras os ollos ós cegos, para que libres do cárcere ós presos, da prisión ós que viven na escuridade.

Eu, Iavé, este é o meu Nome! A miña gloria a outro non lla dou; nin a miña loanza ós ídolos.

Velaí o meu servo, a quen teño collido da man; velaí o meu escollido no que eu me comprazo. Teño posto sobre el o meu espírito: ditaralles sentencia xusta ás nacións.

Canivela fendida non a romperá, e torcida esmorecente non a apagará. Con fidelidade proclamará a xustiza, non desfalecerá nin crebará ata establecer na terra a xustiza, e a súa lei, que esperan as nacións.

Farei camiñar os cegos por un vieiro que non coñecen, por corredoiras descoñecidas fareinos ir. Converterei diante deles a escuridade en luz, e as revoltas do camiño en dereitura. Estas cousas fareillas; si, non os abandonarei".

As antigas predicións xa chegaron, e as novas estounas a anunciar: antes de que despunten, fágovolas oír.