Popular Bible Verses from रोमियों 4

Share

पर अब्राहम ने कदी भी परमेश्वर रे वादे पर शक नी कित्ता ते ना ही तिस पर कोई सवाल चुक्केया, बल्कि तिसेरा विश्वास होर मजबूत होई गेया ते तिनिये परमेश्वर री महिमा कित्ती। ते पक्का जाणी लित्ता की जिस गल्ल रा परमेश्वर ने वादा कित्ता, से तिन्हा जो पूरा करणे रे भी काबिल हिन।

जिय्यां कि पवित्रशास्त्र बिच लिख्खे रा है, “मैं तेरे जो मती जातियां रा पुरखे ठैहराए रा है।” परमेश्वर री नजर बिच अब्राहम असा रे पुरखे हिन। तिन्हा ने तिस परमेश्वर पर विश्वास कित्तेया, जे मुर्देयां जो जिन्दा करदे, ते तिन्हा जो अस्तित्व बिच लांदे, जिन्हेरा कोई अस्तित्व नी है।

मसीह यीशु असा रे पाप्पां तांइ पकड़वाए गे ते मारे गे, ते असा जो धार्मिक ठैहराणे तांइ परमेश्वर ने तिन्हा जो जिन्दा भी कित्ता।

परमेश्वर ने अब्राहम जो बोल्लेया कि तिन्हा मती जातियां रा पुरखे बणना। अब्राहम जो ए लग्गेया कि से पिता बणने तांइ बड़ा जादा बूड्डा होई गे रा है किजोकी से इक्क-सौ साल्ले रा होई गेया थिया, ते सारा अप्पु भी अवे बच्चे नी जम्मी सकदी थी। हालांकि हर गल्ल कने ए ही लग्गेया कि से मते लोक्कां रा पिता नी बणी सकदा, पर फिरी भी तिन्हा ने आस नी छड्डी ते विश्वास करदे रे।

इधेरे तांइ वादा, परमेश्वर पर विश्वास करणे पर आधारित है, ताकि परमेश्वर रा वादा तिन्हा रे अनुग्रह रे मुताबक हो, परमेश्वर रा ए वादा सिर्फ अब्राहम ते तिन्हेरे वशंजा तांइ ही नी है जिन्हा का मूसा रा कानून है, ए तिन्हा सारे मणूआं तांइ है जिन्हा बिच अब्राहम जदेया ही विश्वास है, जे असी सारे मणूआं रे पुरखे हिन।

जिय्यां कि तिनिये पवित्रशास्त्र बिच लिख्खे रा है: “धन्य हिन से जिन्हा रे अधार्मिक माफ होए, ते जिन्हेरे पाप ढकी दित्ते गे। धन्न हिन से मणू जिन्हेरे पाप परमेश्वर नी गिणदे।”

किजोकी पवित्रशास्त्र ए बोलदा कि अब्राहम ने परमेश्वर रे कित्ते रे वादे पर विश्वास कित्ता ते परमेश्वर ने तिन्हा जो इस तांइ धार्मिक ठैहराया।