Popular Bible Verses from रोमियों 5

Share

पर जां असी पाप्पी ही थिये तां परमेश्वर ने असा तांइ अपणे पुत्तर री कुर्बानी देई करी ए ज़ाहिर कित्ता कि से असा कने किन्ना प्यार करदे।

ते इस आस कने असा जो निराशा नी हुंदी, किजोकी परमेश्वर ने असा जो पवित्रात्मा दित्ते रा है, जे असा रे मन जो परमेश्वर रे प्यार कने भरी दिंदा।

सिर्फ ए ही नी, पर असी ए सोच्ची करी दुख-तकलिफां सहणे बिच भी खुस हिन, कि दुख-तकलीफ सहणे कने सबर बदधा, ते सबर बद्दणे कने खरा स्वभाव बणदा, ते खरा स्वभाव बणने कने असा री आस बद्दधी।

इधेरे तांइ परमेश्वर ने असा जो मसीह बिच विश्वास करणे रे जरिये धार्मिक ठैहराया। ते प्रभु यीशु मसीह रे जरिये असा रा परमेश्वर कने मेल-मिलाप होया। असा रे विश्वास रे जरिये मसीह ने असा जो अनुग्रह दित्ते रा है, जिस बिच असी अज्ज टिके रे हिन, ते असी बड़ी हिम्मत ते खुसी कने परमेश्वर री महिमा जो बंडणे तांइ उत्सुक हिन।

किजोकी जां असी कमजोर ही थिये, तां मसीह यीशु, परमेश्वर रे ठैहराए रे समय पर दुष्ट लोक्कां तांइ मरे।

ते किजोकी मसीह यीशु रा असा रे पाप्पां तांइ अपणा खून बहाई करी कुर्बानी दैणे रे जरिये परमेश्वर ने असा जो धार्मिक ठैहराया, इधेरे तांइ मसीह ने असा जो परमेश्वर रे गुस्से का जरुर बचाणा।

किजोकी इक्क मणू रे परमेश्वर रे हुकम जो ना मनणे री वजह कने मते मणू पापी ठैहराए गे, तिय्यां ही इक्क मणू रे परमेश्वर रे हुकम जो मनणे री वजह कने मते मणू धार्मिक ठैहराए गे।

ते सिर्फ ए ही नी, असा रा प्रभु यीशु मसीह रे जरिए, परमेश्वर कने मेल जोल होए रा है, इधेरे तांइ असी परमेश्वर बिच खुस रैह्‍न्दे।