Popular Bible Verses from Wahyu 10

Share

Nanging yèn uniné trompèté mulékat sing kaping pitu krungu, ya kuwi yèn mulékat kuwi ngunèkné trompèté, bakal kedadian tenan wewadiné Gusti Allah, kaya sing wis diwartakké marang para abdiné, ya kuwi para nabi.”

Aku terus diomongi, ngéné: “Kowé kudu nubuat menèh marang para bangsa lan umat lan basa lan para ratu.”

Aku terus weruh mulékat liyané sing rosa-rosa medun sangka swarga, kebuntel mendung, lan ing sak nduwuré sirahé ana kluwungé, praupané kaya srengéngé, sikilé kaya tugu geni.

Aku terus marani mulékat mau lan njaluk, supaya gulungan kitab kuwi dikèkké marang aku. Tembungé marang aku: “Tampanana lan panganen; iki bakal njalari wetengmu pait, nanging ing tutukmu rasané legi kaya madu.” Aku terus njupuk gulungan kitab tyilik sangka tangané mulékat mau, terus tak pangan: ing tutukku rasané legi kaya madu, nanging sakwisé tak pangan, wetengku krasa pait.