Popular Bible Verses from Wahyu 9

Share

Nanging wong-wong liyané sing ora mati awit sangka bebendu kuwi mau, pada ora mratobat sangka penggawéané tangané: Pada ora marèni enggoné pada nyembah roh-roh reget lan brahala-brahala emas, slaka, tembaga, watu lan kayu sing ora bisa weruh, krungu utawa mlaku. Lan wong-wong kuwi pada ora mratobat sangka enggoné matèni, nenung, bédang, lan nyolong.

Sangka mendung kuwi metu walangé okèh pada méntylok ing bumi lan pada dikèki kekuwatan kayadéné kekuwatané kalajengking ing bumi. Lan pada dikongkon, supaya aja pada ngrusak suket-suket ing bumi, utawa marang saben tetukulan lan wit-witan, kejaba mung marang manungsa ing batuké ora ana tyapé Gusti Allah.

Mulékat sing kaping lima terus ngunèkné trompèté, aku terus weruh ana lintang sing tiba ing bumi sangka langit, lan lintangé dikèki kuntyiné telengé jurang peteng.

Walang-walangé ora dililani matèni manungsa, nanging mung nyèksa waé suwéné limang sasi, lan enggoné nyèksa kuwi kaya kalajengking, ing wantyi ngentup wong.

Sing dadi ratuné ya kuwi mulékat telengé jurang peteng, sing jenengé ing basa Ibrani Abadon, lan ing basa Yunani Apolion.