Popular Bible Verses from Wahyu 11

Share

Mulékat sing kaping pitu terus ngunèkné trompèté, lan ing swarga krungu swara banter muni, ngéné, “Pemrintahan ing ndonya kuwi digawa karo Gusti kita lan Panjenengané sing dijebatani, lan Panjenengané bakal dadi Ratu langgeng tekan sak lawas-lawasé.”

Para bangsa wis pada nesu, nanging bebendu Panjenengan wis kétok lan wis tekan wantyiné para wong mati diadili lan Panjenengan ngekèki berkah marang para abdi Panjenengan, para nabi karo para sutyi lan para sing pada wedi lan ngajèni marang asma Panjenengan, marang para wong tyilik karo para penggedé, lan arep nglebur sapa waé sing pada ngrusak bumi.”

Aku bakal mréntah seksi-Ku loro supaya pada nubuat karo nganggo salin kasusahan, suwéné 1260 dina.”

Sakwisé telung dina setengah terus rohé panguripan sangka Gusti Allah manggon ing layon-layon mau, banjur terus pada urip, nggawé wediné wong sing pada weruh.

Seksi loro mau pada nduwé pangwasa ngantying langit, supaya ora ana udan sak njeruhné pada nubuat; lan pada nduwé pangwasa ing atasé sak kabèhé banyu bisa didadèkké getih; lan nggebuk bumi karo sak rupané bebendu sak wayah-wayah miturut sak karepé.

Ya kuwi wit saitun loro uga dimar loro ing ngarepé Gustiné jagat. Yèn ana wong sing arep nglarani, bakal ana geni metu sangka tutuké sing mangan satruné kabèh. Lan yèn ana wong sing arep nglarani, wong kuwi mesti mati karo tyara mengkono.