Popular Bible Verses from Yosua 6

Share

GUSTI ngomong marang Yosua: “Wis kuta Yériko, ratu lan para perjurité sing gagah rosa-rosa Tak pasrahké ing tanganmu.

Lan yèn ana tenger trompèt sunguné wedus muni melong dawa, waktu kowé pada krungu tenger trompèt kuwi, wong kabèh terus pada surak-suraka sing banter, sak nalika témboké kuta kuwi bakal ambruk, wong sak bangsa terus pada munggaha, saben wong mlakua maju menyang ngarep déwé-déwé.”

Kowé pada ngubengana kuta kuwi, ya kuwi sakkèhé perjurit pada ngubengana kuta kuwi kaping sepisan waé, kuwi kok lakoni nganti nem dina suwéné

lan anaa imam pitu sing nggawa trompèt sunguné wedus pitu sing mlaku ing ngarepé peti. Nanging ing dina sing kaping pitu enggonmu pada ngubengi kuta kuwi kudu kaping pitu lan para imam mau terus pada ngonèkna trompèté.

Ing waktu kuwi kuta Yériko wis ngantying gapurané, kuta kuwi wis kantyingan awit sangka wong Israèl, ora ana wong metu utawa mlebu.

Waktu kaping pituné, bareng para imam ngunèkké trompèt, Yosua terus ngongkon marang wong kabèh: “Pada surak-suraka, awit GUSTI wis ngekèkké kuta iki marang kowé!

Nanging kuta kuwi lan sak isiné kabèh, bakal spésial kanggo Gusti perlu dientèkké mung Rahab wong wadon lonté kuwi sing bakal tetep urip, kabèh sakkèhé wong sing tunggal sak omah karo dèwèké, awit wis ndelikké kongkonan sing pada kita kongkon.