Popular Bible Verses from Yakobus 1

Share

Para sedulurku, anggepen sakwijiné kabungahan, yèn kowé pada katekan pantyoba werna-werna, jalaran kowé pada weruh, yèn panguji kanggo pertyayamu kuwi nukulké sabar lan mantep.

Nanging yèn tunggalmu ana sing kekurangan kawityaksanan, kuwi njaluka marang Gusti Allah, sing ngekèki marang sak kabèhé wong karo loma lan éklas, banjur bab kuwi bakal dikèkké marang wong mau.

Para sedulur sing tak trésnani, élinga marang bab iki: saben wong gelisa yèn ngrungokké, nanging alona yèn ngomong, mengkono uga alona yèn nesu

Awit sabar lan mantep kuwi bèn ngetokké woh sing sembada, supaya kowé dadi sampurna lan mateng, lan ora kekurangan apa.

Nanging pada dadia wong sing nindakké tembungé Gusti, aja mung ngrungokké waé, jalaran yèn ora mengkono kowé ngapusi awakmu déwé.

Rahayu wong sing kuwat sak njeruhné kena pantyoba, jalaran yèn wis kétok kuwat, bakal nampani makutané urip, sing wis dijanjèkké karo Gusti Allah marang wong-wong sing pada trésna marang Panjenengané.

Saben pawèh sing betyik lan saben berkah sing sampurna kuwi asalé sangka nduwur, didunké sangka Bapaké sak kabèhé pepadang; kanggo Panjenengané ora ana owah-owahan utawa gambaran sing molah-malih.

Awit yèn wong mung ngrungokké waé, nanging ora dilakoni, kuwi upamané kaya wong sing nyawang praupané sing sak temené ing pangilon. Sakwisé weruh praupané terus lunga lan terus lali kaya apa rupané mau.

Pangabekti sing murni lan tanpa tyiri ing ngarepé Gusti Allah, Bapak kita, ya kuwi mitulungi botyah lola lan para randa sak njeruhné kasusahané lan njaga supaya awaké déwé aja nganti diregeti karo ndonya.

Yèn ana wong sing kena pantyoba aja ngomong ngéné: “Aku digoda karo Gusti Allah.” Jalaran Gusti Allah ora bisa dityoba karo sing ala lan Panjenengané ora nindakké panggoda marang sapa waé. Nanging saben wong digoda karo kepénginané déwé, jalaran disèrèt lan dipulut karo kepénginan kuwi.

Sedulur tunggal pertyaya sing mlarat kuwi bungaha yèn diluhurké