Popular Bible Verses from Ibrani 13

Share

Kowé aja pada kesemsem banda lan pada marema karo apa sing kok duwèni. Awit Gusti Allah wis ngomong: “Aku ora bakal négakké kowé lan kowé ora pisan-pisan bakal tak tinggalké.”

Yésus Kristus kuwi tetep, ora malih, ya wingi, dina iki lan ing sak lawas-lawasé.

Awit sangka kuwi karo yakin kita bisa ngomong, “Gusti kuwi pitulunganku. Aku bakal ora wedi. Manungsa bisa nindakké apa marang aku?”

Lan aja lali nindakké kabetyikan lan ngekèki pitulungan, jalaran ya kurban-kurban sing mengkono kuwi sing ndadèkké senengé Gusti Allah.

Awit kuwi, lantaran Panjenengané, hayuk kita pada tansah pasrah kurban maturkesuwun marang Gusti Allah, ya kuwi sing rupa tetembungan sing ngluhurké asma-Né.

Kowé kabèh pada ngajènana marang nikahan lan aja pada ngregeti peturon, awit Gusti Allah bakal ngadili para lonté lan sing mlaku bédang.

Kowé aja pada lali ngekèki pondokan marang wong, jalaran sangka mengkono kuwi ana sakwijiné wong tanpa dingertèni wis ngekèki suguhan marang para mulékat.

Supaya Gusti Allahé katentreman, sing karo getih perjanjiané sing langgeng wis nangèkké sangka antarané wong mati, Pangon Gedé kanggo para wedus, ya kuwi Yésus, Gusti kita, muga Gusti nyambutgawé ing kowé karo samubarang kabèh sing betyik kanggo nindakké karepé, lan nindakké ing urip kita apa sing ndadèkké senengé Gusti, lantaran Yésus Kristus. Panjenengané kuwi sing dimulyakaké nganti sak lawas-lawasé! Amin.