Popular Bible Verses from Yakobus 2

Share

Mengkono uga kanggo pertyaya: Yèn pertyaya kuwi ora dibarengi penggawé, pertyaya kuwi sejatiné mati.

Awit kayadéné awak tanpa roh kuwi mati, mengkono uga pertyaya tanpa penggawé kuwi ya mati.

Para sedulurku, apa gunané yèn ana wong ngaku pada nduwèni pertyaya, nanging ora ana penggawéané? Apa pertyayané bisa nggawé slameté wong kuwi?

Kowé pertyaya yèn mung ana Gusti Allah siji? Kuwi betyik! Nanging demit-demit uga pertyaya bab kuwi lan pada gemeter.

Nanging bisa uga ana sing ngomong ngéné: “Kowé nduwé pertyaya, aku nduwé penggawé.” Aku bakal nyauri: “Tyoba duduhna pertyayamu sing tanpa penggawé kuwi marang aku lan aku bakal nduduhké marang kowé pertyayaku sangka penggawé-penggawéku.”

Awit pengadilan sing tanpa welas bakal nandangi kanggo wong sing ora nglakoni kawelasan. Nanging kawelasan kuwi bakal ngluwihi pengadilan.

Dadi kowé pada weruh, yèn manungsa enggoné dibeneraké jalaran sangka penggawé-penggawéné, ora mung sangka pertyayané waé.

Kowé pada weruh, yèn pertyaya kuwi tumindaké bebarengan karo penggawé-penggawéné, lan awit sangka penggawé-penggawé kuwi pertyaya dadi sampurna.