Popular Bible Verses from Efésus 4

Share

Nanging kowé, siji lan sijiné pada sumanak, kebak ing welas lan ngapura-apuranen kayadéné Gusti Allah ing Kristus ya wis ngapura marang kowé kabèh.

Tansaha andap asor, alus lan sabar. Pada kétokna katrésnanmu karo tulung-tinulung.

Aja nganti ana tembung reget kewetu sangka tutukmu, nanging mung tembung sing betyik kanggo mbangun, supaya sing krungu pada olèh kawelasan, tyotyok karo kebutuhané.

Kabèh rasa mèri, nesu, brangasan, tukaran lan pitenah buwangen sangka tengahmu, semono uga kabèh sing ala.

Yèn kowé nesu aja nganti nggawé dosa: Nesumu kudu wis ilang, sak durungé srengéngé mingslep, lan aja ngekèki kelunggaran marang iblis.

ya kuwi menawa kowé, ing bab mlakumu sing mbiyèn, kudu ngutyuli kamanungsan lawas, sing nemoni rusak awit sangka anané hawa-nepsuné sing nasarké, supaya kowé pada dianyarké ing roh lan pikiranmu, lan nganggokké kamanungsan anyar, sing wis uripé manut karo karepé Gusti Allah ing kabeneran lan kasutyian sing tenan.

Lan ngupayaa lestariné enggonmu dadi siji ing Roh karo katentreman sing dadi taliné

Lan ya Panjenengané sing ngekèki para rasul, para nabi, para juru pawarta Injil, mengkono uga para pangon lan para guru, supaya pada njangkepi para sutyi enggoné nindakké penggawéan ngladèni, kanggo pembangunané badané Kristus, nganti kita kabèh wis pada bisa nggayuh nunggalké pertyaya lan kaweruh sing bener kanggo Putrané Gusti Allah, déwasa sing sampurna lan munggahé tukulé sing tyotyok karo kasampurnané Kristus.

Dadiné kita ora dadi botyah menèh, sing diontang-antingké karo sak rupané anginé piwulang, karo penggawé nyasar lan kelityikané manungsa sing palsu, nanging karo tatak ngakoni kabeneran sak njeruhné katrésnan, kita mundak-mundak ing samubarang nuju marang Kristus sing dadi sesirahé.