Popular Bible Verses from Efésus 5

Share

Awit sangka kuwi pada nuladanana marang Gusti Allah, kaya anak-anaké sing ditrésnani lan pada uripa ing katrésnan, kayadéné Kristus Yésus uga wis trésna kowé kabèh lan masrahké Panjenengané kanggo kita kanggo pisungsung lan kurban sing apik kanggo Gusti Allah.

Awit sangka kuwi, pada nggatèkna tenan kepriyé mlakuné uripmu, aja kaya wong sing bodo, nanging kaya wong sing wityaksana, lan kanggokké waktu sing ijik ana, awit jaman iki ala.

Lan aja nganti kowé mendem anggur, awit anggur kuwi nggugah hawa-nepsu, nanging kebeka karo Roh, lan pada ngomonga kanggo siji lan sijiné nganggo masmur, kidung pamuji lan kidung kasukman. Ngidunga lan surak-suraka kanggo Gusti karo sak tulusé ati. Tansah memujia maturkesuwun marang Gusti Allah lan Bapak, kanggo samubarang ing asmané Gusti kita Yésus Kristus.

Mulané aja pada bodo, nanging ngupayaa supaya kowé ngerti, apa sing dadi karepé Gusti.

Para wong lanang, pada trésnaa marang bojomu wadon kayadéné Kristus enggoné wis trésna pasamuané nganti masrahké Panjenengané kanggo pasamuan kuwi

Pantyèn, mbiyèn kowé kuwi pepeteng, nanging saiki kowé kuwi pepadang ing Gusti. Mulané uripa kaya anak-anaké pepadang.

Andap asora marang siji lan sijiné ing sak njeruhné wedi lan ngajèni marang Kristus.

Para wong wadon, manut mituruta marang bojomu lanang kayadéné marang Gusti

Dadi kanggo kowé: Pada trésnaa marang bojomu déwé kaya marang awakmu déwé, nanging para wong wadon pada ngajènana marang sing lanang.

Awit sangka kuwi wong lanang bakal ninggal bapak lan ibuné lan rumaket marang bojoné, terus wong loro kuwi dadi daging siji.

Aja mèlu-mèlu pertingkahé pepeteng sing ora ngetokké woh apa-apa. Nanging kosok baliné welèhna pratingkah-pratingkah kuwi