Popular Bible Verses from 1 Yohanes 5

Share

Enggon kita kendel ing pertyaya marang Panjenengané, Panjenengané mesti nuruti pandonga kita, yèn kita njaluk apa-apa marang Panjenengané, sing tyotyok karo karepé.

Lan yèn kita pada ngerti yèn Panjenengané nuruti apa waé, sing kita jaluk, dadiné kita pada ngerti uga, yèn kita wis nampa apa sing kita jaluk marang Panjenengané.

Awit iki katrésnan marang Gusti Allah, ya kuwi yèn kita pada netepi pepakon-Né. Pepakon-Né ora abot, awit kabèh sing lair sangka Gusti Allah kuwi ngalahké jagat. Lan iki kemenangan sing ngalahké jagat, ya kuwi: pertyaya kita.

Sapa sing nduwèni Putra, kuwi nduwèni urip. Sapa sing ora nduwèni Putrané Gusti Allah, kuwi ora nduwèni urip.

Kabèh kuwi mau tak tulis marang kowé, supaya kowé sing pada pertyaya marang asma-Né Putrané Gusti Allah, pada ngertia yèn kowé kabèh pada nduwèni urip langgeng.

Kita ngerti, yèn saben wong sing lair sangka Gusti Allah kuwi ora gawé dosa, nanging diayomi karo Panjenengané, sing lair sangka Gusti Allah, nganti si duraka ora bisa nggepok wong mau.