Popular Bible Verses from 1 Yohanes 4

Share

Sak njeruhné katrésnan ora ana rasa wedi, katrésnan sing sampurna kuwi malah nglebur rasa wedi, awit wedi kuwi mbobot paukuman, lan wong sing wedi kuwi ora sampurna katrésnané.

Anak-anakku, kowé kabèh kuwi asalé sangka Gusti Allah lan wis pada ngalahké para nabi palsu kuwi; awit Roh sing manggon ing kowé kuwi ngungkuli roh sing manggon ing jagat.

Enggon kita pada trésna kuwi, awit Gusti Allah wis luwih ndisik nrésnani kita.

Para sedulur sing ditrésnani, hayuk kita pada trésna-tinrésnan, awit katrésnan kuwi asalé sangka Gusti Allah, lan saben wong sing nindakké katrésnan, kuwi lairé sangka Gusti Allah lan kenal karo Gusti Allah.

Sapa sing ora nindakké katrésnan, kuwi ora kenal Gusti Allah, awit Gusti Allah kuwi katrésnan.

Katrésnan kuwi ngéné: Duduk kita sing wis pada trésna marang Gusti Allah, nanging Gusti Allah sing wis nrésnani kita lan wis ngutus Putrané kanggo ngluwari dosa kita.

Para sedulur sing ditrésnani, awit nganti semono enggoné Gusti Allah nrésnani kita, mulané kita iki ya pada kuwajipan trésna-tinrésnan.

Katrésnané Gusti Allah kuwi dikétokké ing antarané kita, ya kuwi Gusti Allah wis ngutus Putrané sing ora ana tunggalé nekani jagat supaya kita pada urip awit Panjenengané.

Yèn ana wong sing ngomong: “Aku trésna marang Gusti Allah,” nanging sengit marang seduluré, kuwi wong goroh. Awit sapa sing ora trésna marang seduluré sing kétok, mokal bisa nrésnani Gusti Allah sing ora kétok.

Sapa sing ngakoni yèn Yésus kuwi Putrané Gusti Allah, Gusti Allah tetep ing wong kuwi, lan wong kuwi ing Gusti Allah.

Iki tembung préntahé sangka Panjenengané: Sapa sing trésna marang Gusti Allah, kuwi ya kudu nrésnani seduluré.

Para sedulurku sing ditrésnani, aja pada pertyaya marang kabèh roh, nanging roh-roh kuwi titènana, apa asalé sangka Gusti Allah; awit okèh nabi palsu sing njedul lan ndlajahi sak jagat kabèh. Enggonmu pada ngerti yèn kuwi Rohé Gusti Allah, ngéné: Saben roh sing ngakoni yèn Yésus Kristus wis teka dadi manungsa, kuwi asalé sangka Gusti Allah.

Lan saben roh sing ora ngakoni Yésus, kuwi asalé ora sangka Gusti Allah. Roh kuwi rohé antikristus, sing wis pada kok krungu kabar yèn bakal teka, lan saiki wis ing jagat.