Popular Bible Verses from गणांई 14

Share

तम्हैं करा सिधअ इहअ कि बिधाता लै द्रोह करदै निं लागा, नां तिधी रहणैं आल़ै लोगा का डरा, किल्हैकि तिंयां हारनै आसा हाम्हां लै सान। बिधाता आसा हाम्हां संघै, अर तेऊ हेरै तिंयां देअ र्हाऊई ज़ुंण तिन्‍नें फाज़त करा, तम्हैं निं डरदै लागा।”

तंऐं आसा इहअ बोलअ द, ‘हुंह थारअ बिधाता निं छ़ेक्‍कै रोश्श करदअ। ज़ुंण मुंह बाखा फिरा तिन्‍नां लै छ़ाडा हुंह माफी, हुंह रहैऊआ आपणीं महान झ़ूरी अर विश्वास। पर ज़ुंण दोशी आसा तिन्‍नें पापा लै दैआ हुंह तिन्‍नें पोचै अर पल़पोचै तैणीं तिन्‍नें दादा-बाबे सज़ा।’

ज़ै बिधाता हाम्हां करै खुश होए, तेऊ हेरनै हाम्हैं तेऊ देशै पजैल़ी ज़ुंण सेठ अर ज़ेते ज़िम्मीं-ज़ैगा रज़दी-पज़दी आसा।

“पर मेरअ अह दास कालेब निं तिन्‍नां होरी ज़िहअ आथी, तेऊ किअ मेरी गल्‍ला दी विश्वास, तेऊ दैणअ मुंह कनान देशै पुजणैं अर तेऊए ई आद-लुआद हणैं तैहा ज़ैगा गिम्मी तेऊ अर देशे मालक।

ऐबै काढा हुंह बिधाता आपणीं ज़िन्दगीए सोह कि मुंह दैणअ तम्हां लै तिहअ ई ज़िहअ तम्हैं मांगअ।

तेखअ बोलअ बिधाता मोसा लै इहअ, “इना लोगा केभै तैणीं निं मेरी कदर करनी? इना लोगा मांझ़ै किऐ मंऐं बतेर्है च़मत्कारे काम, पर तज़ी बी निं ईंयां विश्वास करदै!

सोभै इज़राईली टोलीए लोग लागै मोसा अर हारणा सेटा तेऊ लै निंदा करदै। सोभै लोग लागै इहअ बोल्दै, “एता का हणअ त इहअ ठीक कि हाम्हैं मरदै मिसर देशै ई! कि मरदै हाम्हैं एऊ बणैं!

नूनो शोहरू ज़ैहसू अर यपुन्‍नेंओ शोहरू कालेब ज़ुंण भेख लंदै तेऊ देशा लै डेऊऐ तै, तिन्‍नैं धैल़ै दुखी हई घेरी का आपणैं झिकल़ै, संघा लागै सोभी इज़राईली टोली लै इहअ बोल्दै, “ज़ेऊ देशो भेख लणा लै हाम्हैं सारै देशै हांढी फिरी आऐ, सह देश आसा सोभी का बधिया देश।

पर ज़िहअ हुंह बिधाता आप्पू सदा-सदा लै ज़िऊंदअ आसा, तिहअ ई निं मेरै बलो थह बी आथी। पर मंऐं खाऐ ऐबै सोह कि तिंयां सोभै लोग ज़ुंणी मेरै महान च़मत्कारे काम मिसर देशे शुन्‍नैं रेगीस्तानै भाल़ै अर तिन्‍नां नुआहरै कामां भाल़ी बी हर बारी मुल्है परखदै रहै लागी, अर मेरी गल्‍ला नांईं शूणीं आथी। ऐबै ज़ेऊ देशा दैणें करार मंऐं तिन्‍नें दादा-बाबा संघै किई ती, तिंयां निं ऐबै कधि तेऊ देशै पुजणैं। किल्हैकि तिन्‍नैं निं मेरी कदर किई।