Popular Bible Verses from गणांई 13

Share

लोग लागै मोसा लै नांह करी बोल्दै, पर कालेबै किऐ तिंयां इहअ बोली च़ुप्पी, “हाम्हां करनअ तेऊ देशै डेऊई जुध संघा गिम्मणअ सह देश हाम्हां आप्पू लै, किल्हैकि इहअ करनै जोगी बल आसा हाम्हां का।”

होर ता होर, तिधी भाल़ै हाम्हैं नपीली ज़ाती आल़ै अनाक खिंबे दैन्तर मणछ बी अर हाम्हैं आसा तिन्‍नां सम्हनै रैट्टै ज़िहै होछ़ै।”

पर ज़ुंण मणछ तेऊ संघै भेख लंदै तै डेऊऐ दै तिन्‍नैं बोलअ, “तिन्‍नां मणछा संघै जुधा करने तागत निं हाम्हां का आथी, किल्हैकि तिंयां आसा हाम्हां का ज़ादै ज़ोरा आल़ै।”

तिंयां लागै होरी इज़राईली सेटा इहअ बोली होर बी हुधदै, “ज़ेऊ देशो भेख लंदै हाम्हैं डेऊऐ तै, तेऊ देशै निं किछ़ै पज़दअ अर लोग आसा बडै-बडै दैंत्तर मर्ध।

तिन्‍नैं खोज़ी सारी गल्‍ला इहअ बोली, “ज़ेऊ देशा लै तंऐं हाम्हैं छ़ाडै तै, हाम्हैं आऐ तिधा का हांढी, तेऊ देशे ज़िम्मीं आसा सच्च़ी रज़दी-पज़दी। ईंयां फल़ आसा हाम्हैं तेता मांझ़ै रहैऊंणा लै आणै दै।

पर तिधे रहणैं आल़ै लोग आसा ज़बर ज़ोरा आल़ै अर तिन्‍नें बडी-बडी नगरी फेर आसा बडै-बडै उछ़टै गहल़ च़िणैं दै। तेखअ भाल़ै हाम्हैं तिधी अनाक खिंबे लोग बी।

दखण रेगीस्ताना बाखा आसा अमोलकी बस्सै दै, अर धारा बाखे मुल्खै आसा हित्ती, जबेशी अर अमोरी बस्सै दै। समुंदरे बाढै जरदण नदी नेल़ आसा कनानी बस्सै दै।”

परान रेगीस्तानै कादेश नाओंए नगरी दी मोसा, हारण अर होरी सोभी इज़राईली टोली सेटा बापस फिरी। सोभै गल्‍ला खोज़ी तिन्‍नैं तिन्‍नां का संघा रहैऊऐ तेऊ देशा का आणै दै फल़।