तेखअ बोलअ बिधाता मुल्है इहअ कि परज़ा का खोज़ इहअ, “शूणां! मंऐं बिधाता लाई तम्हां लै दूई बाता दैई। तम्हैं सका तेता मांझ़ै तैहा बाता छ़ांटी ज़ुंण ज़िन्दगी बाखा डेओआ, कि तैहा बाता छ़ांटी ज़ेथ आजू मौत आसा। तम्हां मांझ़ै ज़ुंण ऐहा एरुशलेम नगरी दी रहे सह मरनअ जुधा दी तलबारा करै, कि नकाल़, कि मरनअ सह नबिज़री बमारी करै। पर ज़ुंण नगरी का बागै डेऊ बाबेल देशे सैना का आप्पै तिन्नें हाथै दैए ज़ुंण नगरी लै मारदै चुटी च़ाल्लै पल़ी, तिन्नां निं सह मारनअ, तिन्नें ज़िन्दगी ता जाणीं तिहअ करै बच़ी।