Popular Bible Verses from जेरमयाह 22

Share

बिधाता बोला ताल्है इहअ, ‘भलअ कर, नसाफ कर, ज़ुंण लुटी लाऐ तिन्‍नां बच़ाऊ लुटणैं आल़ै का। तिन्‍नां कर तिन्‍नां का आज़ाद ज़ुंणीं तिन्‍नें बूरै हाल किऐ। बिधबा, छ़ुटै-मुक्‍कै दै लान्हैं अर परदेसी मणछा लै निं ऐहा ज़ैगा उपद्रभ करा। नां ऐहा पबित्र ज़ैगा तिन्‍नां नर्दोश मणछा मारदै लागा।

जेहोकीम, केल़ुईए काठा करै मैहल बणाईं कै तूह महान राज़अ हुअ? तेरै बाब जोशिया का बी थिअ खाणां-पिणां लै बतेर्हअ। तेऊ किअ तिहअ ज़ेथ भलाई अर नसाफ थिअ, तैही हुअ सह आपणीं ज़िऊंदी ज़िता हर कामां लै सफल। जोशिया रहअ तिन्‍नां संघै खल़अ ज़ुंण रैनै-गरीब थिऐ। तैही हुअ तेऊ लै बी भलअ। मुंह मनणै अर मेरै बारै ज़ाणनैंओ मतलब बी आसा अह ई। अह गल्‍ल डाही मंऐं बिधाता बोली।

बिधाता बोला इहअ, “राज़ै जेहोकीमा लै भाल़ केही घोर आफ़त पल़णीं! तेऊ आसा लोगा लुटी करै अह मैहल च़िणअ द। तेऊ आसा एते प्रैंधल़ै कमरै तिन्‍नां ढब्बै करै बणाऐं दै ज़ुंण तेऊए पापे कमाई थिई। तेऊ डाहै आपणैं ई लोग बगारी लाई अर तेते निं तेऊ तिन्‍नां लै मज़दूरी बी दैनी।