Popular Bible Verses from पांच़ 6

Share

बिधातो सह स्वर्ग दूत आअ तिधी तेऊ सेटा संघा बोलअ तेऊ लै इहअ, “शूरबीर जोधैआ, ताह संघै आसा बिधाता।”

तेखअ बोलअ बिधाता आप्पै, “गिदोन, एऊ ई महान ज़ोरा संघै डेऊ तूह संघा कर इज़राईली मिद्यानी का आज़ाद। मंऐं छ़ाडअ भाल़ तूह आप्पै।”

बिधाता दैनअ इहअ ज़बाब, “तूह सका एऊ कामां करी, हुंह रहणअ ताह संघै आप्पै। ताह मारनै मिद्यानी एकी मामुल्‍ली मणछा ज़िहै।”

गिदोने दैनअ ज़बाब, “मेरै मालक, ज़ीबाण, तूह निं भाल़ै मेरी गल्‍लो बूरअ मनी, ज़ै बिधाता हाम्हां संघै आसा, तै किल्है आसा हाम्हां लै ईंयां आफ़ता पल़ी दी? हाम्हैं आसा प्रोढै का गल्‍ला शूणीं दी कि बिधाता म्हारै दाद-बाब किहै आणै महान च़मत्कार रहैऊई मिसर देशा का काढी। पर ईंयां आसा पराणैं ज़मानें गल्‍ला। ऐबै आसा बिधाता हाम्हैं पठी छ़ाडी हेरै दै अर मिद्यानीए डरै मस्सा ज़िऊंदै लागै दै।”

गिदोने दैनअ इहअ ज़बाब, “पर हे मेरै मालक, हुंह किहअ करै सका इज़राईली मिद्यानी का छ़ड़ैऊई? मनिश्शे गोत्रा दी सोभी टोली का होछ़ी आसा मेरी टोली अर मेरै टबरा मांझ़ै बी आसा हुंह इहअ ज़ुंण सोभी का पिछ़ू हआ।”

तेखअ हुअ एकी धैल़ै इहअ कि बिधातो स्वर्ग दूत आअ संघा बेठअ ओफरा नगरी एकी बडै महरूए बूटा गोधै ज़ुंण एबीएजेर टोलीए जोआश नाओंए मणछो थिअ। तेऊओ शोहरू गिदोन त मिद्यानी डरै लुक्‍की करै दाखे कोल्हू दी कणका फल़ाक्‍कदअ लागअ द।

गिदोने च़िणीं तिधी बिधाता लै एक बेदी अर तैहा बेदी नाअं डाहअ तेऊ, “शालोम।” अह बेदी आसा आझ़ तैणीं बी ओफरा नाओंए ज़ैगा ज़ेथ एबीएजेर टोलीए लोग आसा बस्सै दै।

गिदोने दैनअ बिधाता लै ज़बाब, “ज़ै तेरअ जश मुल्है आसा, तै रहैऊ मेरै बैहम दूर करना लै किज़ै नछ़ैण कि हुंह आसा असली दी ताह बिधाता संघै गल्‍ला करदअ लागअ द।

पर बिधाता बोलअ गिदोना लै इहअ, “तूह डाह निहंचअ, एता लै निं तूह डरै आथी, तूह निं मरनअ आथी।”

तेखअ हेरअ इज़राईली भिई तिहअ ई पाप करी ज़ेता का बिधाता नफरत करा। बिधाता दैनअ तिन्‍नां साता साला तैणीं मिद्यानी लोगे गलामी दी डेऊणैं।