Popular Bible Verses from पांच़ 7

Share

बिधाता बोलअ गिदोना लै इहअ, “मिद्यानी का ज़ितणा लै आसा ताह संघै खास्सै मणछ। इहअ निं हआ कि बादा का बोले ईंयां इज़राईली इहअ कि हाम्हैं तै खास्सै अर तैही ज़ितै हाम्हैं आपणैं बला करै!

तेखअ बोलअ बिधाता गिदोना लै, “मुंह दैणीं ताल्है मिद्यानी का इना चिई शौआ मणछा करै ज़ीत ज़ुंणीं चाकल़ी करै पाणीं झुटअ। इना होरी बोल सोभी लै आपणैं घअरा लै डेओआ बापस फिरी।”

एता लै कर तूह इहअ, इना सोभी लोगा लै बोल, ‘ज़हा डरै काम्मणीं लागी तिंयां हटा ऐहा गलाद धारा का पिछ़ू घअरा लै।’” इहअ शूणीं हटै बाई हज़ार मर्ध तिधा का पिछ़ू अर गिदोना संघै रहै दस हज़ार बाकी।

तेखअ बोलअ बिधाता गिदोना लै भिई, “अज़ी बी रहै ताह संघै खास्सै। इना निंऊं उंधै पाणींए सोबल़ा सेटा लै, तिधी छ़ांटणैं मुंह इना मांझ़ै आप्पै। तिधी हुंह ज़हा लै बोलूं कि इना निंऊं संघा, तिन्‍नां निंयैं आप्पू संघा, पर ज़हा लै हुंह नांह करूं, तिन्‍नां निंदअ निं लागी।”

ज़िहअ बिधाता बोलअ, गिदोने निंयैं तिंयां उंधै पाणींए सोबल़ा सेटा लै। तिधी बोलअ बिधाता इहअ, “ज़ुंण कुक्‍करै ज़िहै ज़िभ चाकल़ी करै पाणीं झुटे तिन्‍नां करै धरनीं ज़ान्हूं लाई चुशी करै पाणीं झुटणैं आल़ै का ज़ुदै।” चअन शौ मणछ निखल़ै इहै ज़ुंणीं अंदल़ू दी पाणीं च़की कुक्‍करै ज़िहअ चाकल़ी करै झुटअ अर बाकी झुटअ सोभी धरनीं ज़ान्हूं लाई उटी बाखा चुशी करै।