Popular Bible Verses from याकब 3

Share

पर ज़ुंण अक्ल उझै का परमेशर दैआ तेता करै शिखल़ा हाम्हैं पबित्र रहणअ, होरी संघै डाहणअ मेल़-ज़ोल़, सोभी लै झणैल़ू हणअ, मज़त करनी, ज़िम्मैंबारी समझ़णीं, कहा मणछा लै भेदभाब निं करनअ अर मानदार रहणअ।

तम्हां मांझ़ै ज्ञैनी अर समझ़कार कुंण आसा? ज़ुंण इहअ होए सह करै आपणैं भलै कामां बाझ़ी घमंड किऐ अक्ल करै।

मेल़-ज़ोल़ करनै आल़ै लऊआ शांतीओ बेज़अ बऊई करै धर्में फसल।

ऐहा गल्‍ला डाहा आद कि ज़िधी ज़ल़ण अर सिधी आपणैं ई मतलब काढणें बारै सोठ हआ तिधी हआ सोभै उपद्रभ अर हर कदुष्ट काम।

ऐहा ई ज़िभा करै करा हाम्हैं प्रभू अर बाब परमेशरे स्तोती, संघा दैआ ऐहा ई ज़िभा करै हाम्हैं तिन्‍नां मणछा लै फिटक ज़ुंण परमेशरे आपणैं रुपै आप्पू ज़िहै आसा बणाऐं दै! एकी ई खाखा का निखल़ा शूकर अर फिटक दुहै! भाईओ, इहअ निं लोल़ी हुअ!

ज़िभ बी आसा आगी ज़ेही, अह आसा म्हारी देहीए आंगा मांझ़ै सोभी का बूरी। अह लाआ म्हारी सारी देही दी कोहल़। अह सका म्हारी सारी ज़िन्दगी जम्परी का निखल़णैं आल़ी आगी करै बरैबाद करी।

पर ज़िभा निं कोहै मणछ बशै करी सकदअ, सह आसा एक एही लत्त ज़ुंण कधि निं थम्हदी, तेथ आसा इहअ बिश ज़ेता करै मौत हआ।

हे मेरै भाई-बैहणीओ, टोली दी निं तम्हैं सोभै गूरू हआ, किल्हैकि तम्हां का आसा थोघ बी कि हाम्हैं गूरू हणैं होर बी खास्सै दोशी।