Popular Bible Verses from याकब 4

Share

तैही रहा परमेशरे डरा हेठै। राख्सो करा बरोध, तै ठुहर्नअ सह तम्हां सेटा का दूर।

परमेशरा नेल़ एछा, तै एछणअ सह तम्हां नेल़ बी, ओ पापी मणछो, पाप करनअ छ़ाडा, ओ दोगल़ै लोगो, आपणैं दिल करा शुचै।

तम्हैं प्रभू सम्हनै निं घमंड करी ताकि सह तम्हां खास बणाईं करै ठीक मोक्‍कै दी बढाओए।

पर परमेशर आसा सर्वशक्तिमान अर सह दैआ हाम्हां लै जश ताकि हाम्हैं बूराई करने आल़ी च़ाहा ज़िहै पाप करनै का दूर रहे, तैही आसा पबित्र शास्त्रा दी लिखअ द, “परमेशर करा घमंडी मणछो बरोध पर ज़ुंण घमंड निं करदअ तेऊ लै करा झींण।”

तैही ज़ुंण भलाई करनअ ज़ाणा अर तेता नांईं करदअ, तेऊ लै आसा अह पाप।

पर ज़ेभै तम्हैं परमेशरा का मांगा बी, तम्हां निं तैबी भेटदअ किल्हैकि थारै मांगणै पिछ़ू आसा थारी बूरी सोठ ताकि तम्हैं तेता आल-मस्ती दी छेभी सके।

ओ कंज़री बेटल़ी ज़िहै विश्वास घाती मणछो! तम्हां का इहअ थोघ बी निं आथी कि संसारे गल्‍ला संघै साथ डाहणीं आसा परमेशरा संघै ज़ीद करनी? ज़ुंण बी संसारे संगती डेऊणअ च़ाहा, सह हआ आप्पू ई परमेशरो दुशमण।

पर इहअ निं तम्हां का थोघै आथी किई काल्‍ला किज़ै हणअ? शूणीं, लआ, थारी ज़िन्दगी आसा थोल़ी ज़ेही, तम्हैं, भाफा ज़िहै आसा, ज़ुंण थोल़ी घल़ी, शुझिआ अर तेखअ लूका सह बागरी दी।