Popular Bible Verses from याकब 2

Share

तिहअ ई ज़ै विश्वास करनै आल़अ भलै काम नांईं करदअ ता, तै आसा तेऊओ विश्वास मूंअ द।

ज़ेही देही शाह बाझ़ी मूंईं दी आसा, तिहअ ई आसा विश्वास बी भलै कामां बाझ़ी मूंअ द।

हे मेरै भाई-बैहणीओ, ज़ै कुंण इहअ बोला कि मुंह आसा मसीहा दी विश्वास पर होरी लै भलै काम निं करदअ, तेतो निं किछ़ै फाईदअ! इहअ विश्वास निं कधि उद्धार करी सकदअ।

ज़ै थारअ इहअ विश्वास आसा कि परमेशर आसा एक्‍कै ई, ठीक बोलअ तम्हैं! भूत बी करा विश्वास अर तिन्‍नां बी लागा परमेशरे डरै काम्मणीं।

कई सका इहअ बोली, “तूह करा विश्वास, पर हुंह करा तेते साबै भलै काम।” पर हुंह बोला तम्हां लै इहअ, “तम्हैं आपणअ विश्वास किहअ करै सका रहैऊई ज़ै कि तम्हैं भलै काम; करदै निं? पर मुंह रहैऊंणअ तम्हां का भलै काम करी आपणअ विश्वास।”

होरी माफ करनै आल़ै निं परमेशरा बी माफ करनै। पर परमेशर आसा झणैल़ू! सह करा म्हारअ नसाफ, तेता का ज़ादअ करा सह हाम्हां माफ!

तै हेरी तम्हैं अह गल्‍ल भाल़ी कि मणछ निं सिधअ विश्वास करी धर्मीं हंदअ पर तेऊ लागा भलै काम बी करनै।

तंऐं हेरअ भाल़ी कि तेऊ किअ विश्वास अर तेऊ ई साबै भलै काम बी किअ अर भलै काम करी हुअ तेऊओ विश्वास पाक्‍कअ।