Popular Bible Verses from 1 शमूएल 16

Share

पर बिधाता बोलअ शमूएला लै, “तूह निं इहअ भाल़अ लागै कि अह आसा हेरनअ बित्तअ अर खास्सअ लाम्मअ। मंऐं अह आथी छ़ांटअ द किल्हैकि हुंह निं तेऊ साबै भाल़दअ ज़िहै मणछ भाल़ा। मणछ भाल़ा बाघलअ रूप पर हुंह भाल़ा मणछो दिल कि सह किहअ आसा।”

शमूएलै तरैल़अ तेऊए मुंडै शींगा का जैतूनो तेल अर तेऊए होर भाई तै तिधी भाल़ै लागै दै। तेभी आई बिधाते पबित्र आत्मां दाबेदा लै संघा बस्सी तेऊ दी। तेखअ डेऊअ शमूएल रामाह नगरी लै फिरी।

तेखअ पुछ़अ शमूएलै ईशैई का, “सोभ एछी गऐ कि तेरै होर शोहरू बी आसा?” ईशैई दैनअ ज़बाब, “नांईं, सोभी का कान्हअ आसा एक होर, सह आसा भेडा-बाकरीए हेल़्ही फुआल डेऊअ द।” शमूएलै बोलअ ईशैई लै, “तेऊ आण ओर्ही शादी, ज़ेभै तैणीं सह इधी निं पुजे, तेभै तैणीं निं हाम्हां रोटी खांदै बेशणअ।”