Popular Bible Verses from 1 शमूएल 15

Share

शमूएलै बोलअ शाऊला लै, “कैहा गल्‍ला करै हआ बिधाता खुश? हूम बल़ी अर मेल़-ज़ोल़े बल़ीदाना करै, कि बिधाता ज़िहअ बोले तिहअ करनै करै हआ खुश? ऐबै शुण! बिधातो शुणनअ अर तिहअ ई पूरअ करनअ हआ बल़ीदान करनै अर गाभूए च़र्बी भैंट करनै का बी खास्सअ बधिया।

बिधातो बरोध करनअ अर मणशाण पुछ़दै डेऊणअ आसा दुहै पाप एक्‍कै ज़िहै, बिधाता संघै हठ करनी आसा मुहुर्ती पूज़णै ज़िहअ पाप। ज़ुंण बिधाता बोलअ, सह हुकम समझ़अ तंऐं बृथा, ऐबै समझ़अ तेऊ तूह बी बृथा कि तूह निं ऐबै आजू राज़ै जोगी आथी।”

इज़राईला लै प्रतप्प दैणैं आल़अ बिधाता नां झ़ुठअ बोल्दअ नां सह आपणीं गल्‍ल बदल़दअ अर नां सह मणछ आथी कि बादा का पचताए।”

“मुंह हुई ऐहा गल्‍ले खास्सी माल़ी कि मंऐं बणाअं शाऊल राज़अ, ज़िहअ हुंह बोला, सह निं तिहअ शुणदअ आथी!” शमूएला आई रोश्शै, सह रहअ सारी राची बिधाता सेटा अरज़ करदअ लागी।