Popular Bible Verses from उत्पत्ति 27

Share

परमेशर ताखे सर्गो ते पाल़ा, ओर जमीना री खरिया ते खरी फसल, ओर बऊत सारा नज्ज ओर नया शराब देओ; दुनिया रे प्रदेशो रे लोक तेरे अधीन ओ ओर हर जातिया रे लोक तांगे माथा टेको; तूँ आपणे पाईया रा मालक ओ ओर तेरी आम्मा रे पाऊ तांगे माथा टेको। जो ताखे स्राप देओ, से आपू ई स्रापित ओ, ओर जो ताखे आशीर्वाद देओ, से आशीष पाओ।”

तेबे एसावे आपणे बाओ खे बोलेया, “क्या तेसरा नाओं याकूब ईंयाँ ई नि राखी राखेया? तिने माखे दो बार तोखा दित्तेया, पईले मेरा जेठे ऊणे रा अक्क तो तिने छुड़ाई ला ओर एबे देख, तिने मेरे आशीर्वाद बी लई ले।” फेर तिने बोलेया, “क्या तैं मेरिया तँईं बी कोई आशीर्वाद बचाई की नि राखेया?”

तेसरे बाओ इसहाके तेसखे बोलेया, “सुण, तेरे रणे री जगा पजणे वाल़ी जमीना ते दूर ओ ओर सर्गो रा पाल़ा पड़ने वाल़ी जगा ते बी दूर ओ। तूँ आपणी तलवारी रिया तागती पाँदे जिऊँदा रणा ओर आपणे पाईए रे अधीन तो ओ, पर जेबे तूँ आजाद ऊई जाणा, तेबे तेसरा बोज आपणी कांदा पाँदा ते चकी की सेटी देणा।”

एसावे आपणे बाओ खे बोलेया, “ओ मेरे पिता, क्या तेरे मनो रे एक ई आशीर्वाद ए? ओ मेरे पिता, माखे बी आशीर्वाद दे।” ईंयाँ बोली की एसाव जोरे-जोरे की रोणे लगेया।