Popular Bible Verses from उत्पत्ति 28

Share

ओर देख, आँऊ तां साथे रणा ओर जेती केथी तूँ जाणा, तेती मां तूँ सम्बाल़ी की राखणा ओर तूँ एते प्रदेशो रे वापस ली आऊणा। आऊँ जदुओ तक, जो मैं बोली राखेया, पूरा नि करी लऊँगा, तदुओ तक ताखे नि छाड़ूंगा।”

ओर यहोवा तिजी पाँदे खड़ा ऊई की बोलोआ, “आँऊ यहोवा, तेरे दादे अब्राहमो रा परमेशर ओर इसहाको रा बी परमेशर ए; जेते जमीना पाँदे तूँ लेटी रा, से मां ताखे ओर तेरे वंशो खे देणी।

तेबे याकूब नींजा ते जागी की उठेया ओर बोलणे लगेया, “पक्का एते जगा दे यहोवा ए; ओर आऊँ एसा गल्ला खे नि जाणूं था।”

याकूबे ये मान्नत मांगी, “जे परमेशर मां साथे रई की एसा यात्रा दे मेरी रक्षा करो ओर माखे खाणे खे रोटी ओर पईनणे खे टाल्ले देओ, ओर आऊँ आपणे बाओ रे कअरे सई-सलामत वापस आई जाऊँ; तो यहोवा मेरा परमेशर ठईरना। ओर ये पात्थर जेतेरा मैं खम्बा खड़ा करी राखेया, ये परमेशरो रा भवन ठईरना ओर जो कुछ तूँ माखे देओगा, तिजी रा दसुआ इस्सा पक्का मां ताखे देया करना।”

तेरा वंश जमीना री तूड़ा री कणिंया जेड़ा बऊत ऊणा ओर पूर्व, पच्छम, उतर ओर दक्खणा रे चऊँ कनारे फैलदा जाणा ओर तेरे ओर तेरे वंशो रे जरीये तरतिया रे सारे कुला आशीष पाणी।

ओर तिने तेसा जगा रा नाओं बेतेल राखेया; पर तेस शईरो रा नाओं पईले लूज था। कऊँकि बेतेलो रा मतलब ए परमेशरो रा कअर।