Popular Bible Verses from निर्गमन 6

Share

इजी री बजअ ते तूँ इस्राएलिया खे बोल कि आऊँ यहोवा ए ओर मां तुसे मिस्रिया रे बोजो निठा ते निकयाल़ने ओर मां आपणा आथ बढ़ाई की ओर तिना पाँदे सामर्था रे कामो रे जरीये सजा देई की तुसे तिना री गुलामिया ते छुड़ाणे

ओर मां तुसे आपणी प्रजा बनाणे खे अपनाई लणे ओर आऊँ तुसा रा परमेशर ठईरना ओर तुसा जाणी लणा कि आऊँ तुसा रा परमेशर यहोवा ए, जो तुसा खे मिस्रिया रे बोजो निठा ते निकयाल़ी की ली आयी रा।

ओर जेते देशो खे देणे रा वादा मैं अब्राहम, इसहाक ओर याकूबो साथे कित्तेया था, मां तुसे तिदे ई पऊँचाई देणे ओर मां तुसे तेतेरे अक्कदार बणाई देणे। आऊँ तो यहोवा ए।” यो गल्ला मूसे इस्राएलिया खे बोलिया, पर तिने मनो री बेचैनी ओर गुलामिया री क्रूरता रिया बजअ ते तिना री नि सुणी।

तेबे यहोवे मूसे खे बोलेया, “एबे तां देखणा कि मां फिरौनो री तरफा खे आपणा सामर्थी आथ बढ़ाणा ओर तिजी सामर्थी आथो री बजअ ते से इस्राएलिया खे आपणे देशो ते निकाल़ने खे मजबूर ऊई जाणा।”