Popular Bible Verses from निर्गमन 7

Share

तेबे यहोवे मूसे खे बोलेया, “देख, आऊँ ताखे फिरौनो रिया तँईं परमेशरो जेड़ा ठराऊँआ ओर तेरा पाई हारूण तेरिया तँईं बोलणे वाल़ा ठईरना।

पर मां आपणे चिह्न ओर अचम्बे रे काम मिस्र देशो रे बऊत दखाणे फेर बी मां फिरौनो रा मन काठा करी देणा। तेबे बी फिरौनो तुसा री नि सुणनी ओर मां मिस्र देशो रे आपणा आथ बढ़ाई की मिस्रिया खे पारी सजा देई की आपणी सेना, मतलब आपणे इस्राएली लोक मिस्र देशो ते निकयाल़ी लणे।

जेबे मां मिस्रो पाँदे आथ बढ़ाई की इस्राएली तिना बीचा ते निकयाल़ने, तेबे मिस्रिया जाणी लणा कि आऊँ यहोवा ए।”

तेबे फिरौने पण्डत ओर जादू-टोणा करने वाल़े बुलाए ओर मिस्रो रे जादूगरे आई की आपणे-आपणे तंत्र-मंत्रो साथे तेड़ा ई कित्तेया। तिने बी आपणी-आपणी सोठी राखी ती ओर सेयो बी साप बणीगिया। पर हारूणो री सोठी तिना सबी री जादूए रिया सोठिया खे खाईगी।

यहोवा ईंयाँ बोलोआ कि इजी ते तां जाणी लणा कि आऊँ यहोवा ई परमेशर ए; देख, मां आपणी सोठी नील नदिया रे पाणिए पाँदे बाणी ओर पाणी खून बणी जाणा

“जेबे फिरौन तुसा खे बोलो कि आपणा अचम्बे रा कोई एड़ा काम दखाओ जेते कि पता चली सको कि तुसे यहोवे मांगे पेजी राखे, तेबे तैं हारूणो खे बोलणा, ‘आपणी सोठी लई की फिरौनो सामणे सेटी दे, ताकि से साप बणी जाओ।’ ” तेबे मूसे ओर हारूणे फिरौनो गे जाई की यहोवे री आज्ञा रे मुताबिक कित्तेया ओर जेबे हारूणे आपणी सोठी फिरौन ओर तेसरे काम करने वाले़या सामणे राखी ती, तेबे से साप बणीगी।