Popular Bible Verses from स्याणेया रा ज्ञान 8

Share

इजी री खातर माखे पक्का पता ए कि आसा खे मजा करना चाईयो, कऊँकि एते दुनिया दे माणूंआ खे खाणे-पीणे ओर मजा करने ते अलावा कुछ बी ठीक नि ए। आसे कम से कम ये तो करी ई सकूँए जेबे आसे एते जीवनो दे मईणत करूँए जो परमेशरे आसा खे देई राखेया ए।

चाए पापी माणूं सौ बार पाप करी की आपणी उम्र बी बढ़ाओ, तेबे बी माखे निश्चा ए कि जो परमेशरो ते डरोए ओर तेसखे आपू सामणे जाणी की तेसरी इच्छा ते चलोए, तिना रा पला ई ऊणा।

जबकि लोका खे कईया परेशानिया रा अनुभव ओआ, चीजा खे करने रा सई बखत ओर सई तरीका ओआ।

कोई बी माणूं मौता ते नि बची सकदा, ये एक एड़ा युद्ध ए जेसखे कोई तोखा देई कि बची नि सकदा।

बुरे काम करने वाल़ेया खे सजा री आज्ञा फटाफट नि देंदे; इजी बजा ते माणूंआ रा मन बुरे काम करने रिया इच्छा ते परेया रा रओआ।

एक ओर बेकार गल्ल तरतिया पाँदे ओई, मतलब एड़े तर्मी ए जिना री तेड़ी दशा ओई जेड़ी दुष्टो री ऊणी चाईयो ओर एड़े दुष्ट ए जिना री एड़ी दशा ओई, जो तर्मिया री ऊणी चाईयो। आऊँ तो बोलूँआ कि ये बी बेकार ई ए।

आऊणे वाल़ेया दिना दे क्या ऊणे वाल़ा ए तेतेरे बारे दे कोई नि बताई सकदा?