Popular Bible Verses from स्याणेया रा ज्ञान 7

Share

जल्दबाजिया रे रोष नि करो, मूर्ख एड़ा ई करोए। तिना बुरेया कामा खे पूलणे री कोशिश करो जो लोके तुसा साथे करी राखे।

सुखो रे दिना दे मजे करो ओर जेबे दु:ख आओ; तेस बखते से गल्ल याद राखणी कि परमेशर ई सुख ओर दु:खो रा कारण ए, ओर माणूंआ खे कदी बी पता नि चलणा कि आगे क्या ऊणे वाल़ा ए।

केसी कामो री शुरूआता ते तिजी रा अन्त देखणा मनो खे खरा लगोआ ओर सब्रखोर माणूं कमण्डी माणूंए ते खरा ए।

तरतिया पाँदे पक्का कोई एड़ा तर्मी माणूं नि ए जो बस पलाई ई करो ओर जेसते कोई बी पाप नि ऊई रा ओ।

बुद्धिया पैसेया जेड़ी तुसा री रक्षा करनी; ज्ञानो साथे समजा तुसे आपणे जीवनो रिया तरफा खे लई जाणे।

जाणे-मानेया रा नाओं कीमती इत्रो ते खरा ए, ओर जम्मणे रे दिनो ते खरा ए मरने रा दिन।

मूर्खो रे गाणे सुणने ते अक्लमंदो रा थिड़कणा सुणना खरा ए।

जेते कअरो दे त्यार ऊणे लगी रा तिदे जाणे ते खरा ए तेते कअरो दे जाणा जेते कअरो दे मरने रा शोक चली रा, कऊँकि सबी माणूंआ रा अन्त येई ए ओर जो जिऊँदा ए तेस इजी रे बारे मन लगाई की सोचणा।

एक अक्लमंद माणूं मरने रे बारे दे सोचोआ। पर एक मूर्ख माणूं ये सोचोआ कि किंयाँ आपणे जीवनो दे मजा करी सकूँए।