Popular Bible Verses from स्याणेया रा ज्ञान 5

Share

गल्ला करने रे जल्दबाजी नि करना ओर ना कोई आपणे मनो री गल्ल परमेशरो सामणे जल्दबाजिया दे बोलणी, कऊँकि परमेशर स्वर्गो रे ए ओर तूँ तरतिया पाँदे। इजी री खातर बोलणे ते पईले ठीक-टंगो रे सोचणा।

इजी रा मतलब ए कि हर एक माणूं जेसखे परमेशरे तअन-सम्पत्ति देई राखी ओ ओर तेसखे मजे लणे ओर तिजी बीचा ते आपणा इस्सा लणे ओर काम करदे ऊए मजे करने खे शक्ति बी देई राखी ओ, तो इजी खे आपणा इसा मानी कि ए समजी लओ कि ये परमेशरो रिया तरफा ते आशीष ए।

जो पैसेया साथे प्यार करोआ, तेसखे पैसेया साथे तसल्ली नि ऊणी ओर ना तेसखे जो जादा तअन-दौलता ते प्यार राखोआ तेतेरे फायदे ते। ये बी बेकार ए।

जेबे तूँ परमेशरो रे पवित्र मईलो दे जाए तो नम्र ओर सम्बल़ी की जाणा। तूँ तेती परमेशरो रा वचन सुणने खे जाया, मूर्खो जेड़ा बलिदान नि चढ़ाणा जेसखे पता ई नि ऊँदा कि क्या खरा क्या बुरा ए!

जेबे तूँ परमेशरो रे सामणे जाईकी मान्नत मांगे, तेबे तिजी खे पूरी करने रे देरी नि करनी, कऊँकि से मूर्खो ते खुश नि ऊँदा, इजी री खातर जो मान्नत तैं मानी राखी से तैं पक्का पूरी करनी।

मान्नत मानी की पूरी ना करने ते अच्छा ए कि तू कोई मान्नत ई ना माने।

मईणत करने वाल़ा माणूं चाए थोड़ा खाओ या बऊत, तेबे बी तेसखे सुखो साथे नींज आओई। पर अमीर माणूंए रे तअन बढ़ने ते तेसखे नींज नि आऊँदी।

जिंयाँ से माया रे पेटो ते नांगा ई निकल़ेया, तिंयाँ ई से मरी बी जाणा; जेड़ा आया था ओर तेसखे आपणी मईणता रे बदले कुछ नि मिलणा, जेतेखे से आपणे आथो रे लई जाई सको।