Popular Bible Verses from स्याणेया रा ज्ञान 1

Share

आऊँ जितणा जादा बुद्धिमान बणेया, तिथणा ई जादा आऊँ परेशान बी ऊआ। जितणिया जादा चीजा री जानकारी मैं लई, तिथणा ई जादा आऊँ दु:खी ऊआ।

जो कुछ ऊआ था, सेई फेर ऊणा ओर जो कुछ बणी चूकी रा, सेई फेर बणाया जाणा ओर तरतिया पाँदे सब गल्ला पुराणिया ई अईया।

जिन्दगी आसा खे थकाई देओई जेतेरे बारे दे कोई माणूं पनि बताई सकदा, ना तो आखी देखी की रज्जदिया ओर ना कान सुणी की परोए।

तिने बोलेया, “बेकार ई बेकार, बेकार ई बेकार! जिन्दगी ई बेकार ए।” सेयो सब मईणत करने वाल़े लोक जो तरतिया पाँदे काम करोए, तिजी ते तिना खे कोई फायदा नि ऊँदा।

मैं सेयो सारे काम देखे, जो तरतिया पाँदे कित्ते जाओए; ओर देखो, सेयो बेकार ओर मानो अवा खे पकड़ने जेड़े ए।

एक पीढ़ी जाओई ओर दूजी पीढ़ी आओई, पर तरती सदा तेड़ी ई बणी री रओई।

लोका खे पुराणिया गल्ला री कोई याद नि ए, ओर आऊणे वाल़े बखतो दे लोका खे याद पनि रणा कि एबे आसे क्या करने लगी रे।

मैं ज्ञान ओर मूर्खता, बुद्धि ओर इस्सालपनो बीचला अंतर सिखणे री ठाणी ली थी। पर माखे पता लगेया कि ये बी अवा रे पीछे दौड़ने जेड़ा ए।