Popular Bible Verses from Izaya 41

Share

Mutayoowi, nkaambo ndili aandinywe. Mutatyompwi kayi ndime Leza wanu. Ndiyoomuyumya-yumya, akumugwasya, ndiyoomujatilila ajanza lyangu lyalulyo liluleme.

Mebo nde Mwami Leza wanu ndime eejisi maanza aanu aalulyo. Ndime ndimwaambila kuti, ‘Mutayoowi pe, ndilamugwasya.’”

“Boonse bamulwana bayoofwa nsoni, bayoousigwa. Basinkondonyoko bayooba cintu buyo, bayooloba.

ndakamugwisya kuzwa kumagolelo aanyika, ndakamwiita kuzwa kuzyooko zyanyika. Ndakati, Nywebo muli batwanga bangu, ndakamusala, tiindakamukaka pe.

Nokuba kuti mukayandaule basinkondo tamukooyoobabona pe. Aabo bamulwana bayooba bantu buyo.

“Utayoowi yebo Jakobo ooli mbuli mvunyu, yebo Isilayeli omusyoonto, nkaambo mebo lwangu ndime eeyoomugwasya, mbwaamba Mwami Leza, Munununi wanu Uusalala wa Isilayeli.

“Pele yebo O Isilayeli omutwanga wangu, yebo Jakobo ngundakasala, nywebo nolunyungu lwa Abulahamu mweenzuma

Ndiyoocita kuti maanzi akakunke muzimpayuma, mumakkuti muyooba tusensa. Ndiyoocita nkanda kuti ikabe maziba aamaanzi, cimpayuma ciyooba tusensa.

“Bacete ababulide balayandaula maanzi pele baajane kuli, milaka yabo yayuma nta anyota. Pele mebo nde Mwami Leza ndiyoobacebuka, mebo nde Leza wa Isilayeli nsikabalekelezyi.

Nguni wakacita ceeci? Nguni wakakanzide kucita boobu kuzwa kumatalikilo aamazyalani? Ndime, mebo nde Mwami Leza, ndime mutaanzi, akumamanino njooba mbubonya oobo, “Ndime.”

Munkanda njoobikka milombe amikamba, misikili amioliva. Njoobikka mipulanga mugundu, misiwe amikumbuzu antoomwe. Bantu bayooyeeya kumvwisya kuti Mwami Leza nguwacita boobo, Uusalala wa Isilayeli nguwakacibamba eeci.”