Popular Bible Verses from Izaya 40

Share

Ulapa nguzu kubantu bawizuka, ulapa nguzu kubateteete.

“Nobaba bakubusi balakatala akuwizuka, balombwana balalifumpula akuwa, pele aabo balangila mu Mwami Leza uyoobabukulusya akubapa nguzu. Bayoouluka mbuli basikwaze, bayoozuza pele tabakawizuki, bayooenda pele tabakakatali.”

Sena tozi? Sena tonamvwa? Mwami Leza, ngu Leza Uuliwo lyoonse, wakalenga nyika yoonse mboizulwa. Takatali nikuba kuwizuka, taakwe uukonzya kumvwisya luzibo lwakwe.

Kuli uuambilizya ulati, “Amumubambile mugwagwa Mwami Leza munkanda, amululamike mugwagwa wa Leza wesu munkanda!

Bwizu bulayuma aalo maluba alakunkumuka, pele majwi aa Leza wesu alikkalilide lyoonse!’”

Nkabela bulemu bwa Mwami Leza buyooyubununwa, bantu boonse baansi bayoobubona. Mwami Leza lwakwe mwini nguwaamba.”

Makkuti oonse ayoolundumikwa, zilundu atulundu zyoonse ziyoobambasikwa, nyika yazilindi-lindi iyoocincimikwa, nyika yamagata iyooba mbuli cibanda.

Uleembela butanga bwakwe mbuli mweembezi, ulafukatila tubelele mumaanza aakwe, ulatubikka acamba cakwe ulasolweda kabotu eezyo zijisi bana.

Amulange, muululale kujulu. Nguni wakalenga zyoonse eezi? Ngooyo uugwisya makamu aakujulu akwaaleta comwe-comwe, zyoonse ulaziita mazina. Lino mukuti ngusinguzu mpati, ngusintanze, taakwe nociba comwe cibulika.

Leza ulikkede acuuno cabwami atala aamweenya uuvungumene waanyika bantu bamulinjiyo baboneka mbuli mpaso. Ulalandabula julu mbuli civumbilizyo, ulalandabula julu mbuli tente lyakukkalila.

Amubayumye-yumye bamu Jelusalemu kuti amwaambilile kuti bapenga ciindi mbubo lino cabonwa. Zibi zyabo zyalekelelwa. Ndakabapa cisubulo cizwide akaambo kazibi zyabo boonse.”

Ijwi lilati, “Ambilizya.” Mpawo ndakabuzya kuti, “Ino ndaambilizye zyakuti nzi?” Lyakati, “Ambilizya kuti, ‘Bantu boonse bali mbuli bwizu, bulemu bwabo buli mbuli maluba. Bwizu bulayuma aalo maluba alakunkumuka, akaambo kaluuwo lwa Mwami Leza lwaaungila. Kasimpe bantu bali mbuli bwizu.

Amubone, Mwami Leza ulaza anguzu, kuboko kwakwe nkokumweendelezya. Amubone ulijisi bulumbu mbwapa, ulijisi zyakubbadelela bantu.

“Amubaumbulizye bantu bangu, amubaumbulizye, mbwaamba Leza wanu.

Nguni wakeeleka maanzi aakkede mujanza lyakwe, naa kupima julu aceelesyo? Nguni uukonzya kubikka bulongo bwanyika mucinzuma naa wakeeleka zilundu azipimyo notuba tulundu-lundu mukutweelanya? Nguni wakamvwisya Muuya wa Mwami Leza naa nguni uukonzya kumulailila akumwiisya? Nguni ooyo Mwami Leza ngwaakabuzya kuti amwaambile makani? Alimwi nguni wakamwiisya nzila mbotu? Nguni ooyo wakamwiisya zyaluzibo akumutondezya nzila yakumvwisya zintu?