Popular Bible Verses from Izaya 42

Share

“Mebo nde Mwami Leza ndakakwiita mubululami, ndakujatilila janza lyako. Ndakubamba akukucita kuti ube cizuminano cabantu, ube mumuni kuli bamasi, akubonya boofu, kwaangununa baange muntolongo, akugwisya baabo bali mudindi lyamudima.

“Ndime Mwami Leza, eeli ndezina lyangu! Tandipi bulemu bwangu kuluumbi nikuba kutembaulwa kwangu kumituni.

Ngooyu mubelesi wangu ooyo ngwenkwabilila, musale wangu ngwendiyandisya, njoobikka Muuya wangu alinguwe, eelyo uyoobeteka bamasi.

Takooyootyola katete kacuzukide, nikuba kuzima kamuni kayaka. Mukusyomeka uyooleta bululami. Takooyookacilwa cintu nikuba kutyompwa, mane kusikila akakkazikizye bululami ansi. Bamasi aali kulaale balindilila njiisyo zyakwe.

“Ndiyoosolweda boofu munzila njobatazi, ndiyoobainzya munzila njobatanaindide, njoocita mudima ukabe mumuni kumbele lyabo, akuyoobambasika masena amaguguunya. Eezi nzezintu nzendiyoocita, nsikooyoobalekezya pe.

Amubone zintu zyakaambidwe kale-kale zyacitika, lino ndaambilizya zintu zipya, kazitanacitika ndazyaambilizya kulindinywe.”