Popular Bible Verses from Yoano 16

Share

“Bino bintu nemwambila namba mumwene mutende mwi amiwa. Pano pantanda kumanama ko kwenu. Byonkabyo koseshai michima yenu, amiwa nepashinda pano pantanda.”

Pakuba aye Mupashi wa bukine, byo akeya ukemutangijila mu byonse bya kine, mambo aye kechi ukambanga byanji mwine ne, pakuba byonkabya byo akomvwa, byo byonka byo akamba, ne aye ukemubuula bintu bikamweka.

Kala kechi mwalombele nangwa kintu mu jizhina jami ne, lombai kabiji mukatambula, namba lusekelo lwenu lufikile.”

Nangwa byonkabyo nemubula bya kine, kimuwamina amiwa kufumapo, mambo inge amiwa ne kufumapo ne, Nkwasho kechi akeye kwi anweba ne. Kabiji inge naya, amiwa nkamutuma kwi anweba. Ne aye, byo akeya, ukebashiina ba pano pantanda na mambo a bundengamambo, ne a bololoke, ne a bunchiba mambo.

Byonkabyo ne anweba, pano mwauba bulanda, kabiji amiwa nkemumona jibiji, ne michima yenu ikasekela, ne lusekelo lwenu kafwako ukemwangatalo ne.” “Kabiji mu joja juba kechi mukangipuzha kintu ne. Kine, kine nemwambila namba, umvwe mukalomba kintu kwi Bataata, mu jizhina jami nangwa kya byepi, bakemupakyo.

Kine, kine nemwambila namba, anweba mukajila ne kuwowakana mabingo, pakuba ba pano pantanda bakasekela, anweba mukekala na bulanda, pakuba bulanda bwenu bukaaluka ke lusekelo.