Popular Bible Verses from Yoano 15

Share

Amiwa ne mung'anzang'anza, anweba mwi misampi. Awa waikala mwi amiwa, ne amiwa mwi aye, ye upanga byavula, mambo kwakubula amiwa kechi mwakonsha kuuba kintu ne.

Ikalainga mwi amiwa, ne amiwa mwi anweba. Musampi kechi wakonsha kupanga bipangwa bunke bwanji ne, poso waikala mu mung'anzang'anza. Ne anweba pamo, poso mwikale mwi amiwa.

Inge mwaikala mwi amiwa, ne byambo byami byaikala mwi anweba, lombai kyo musaka nangwa ki ka, kabiji kikemubilwa.

Anweba kechi yenu mwansalulwile ne, pakuba amiwa yami nemusalulwile anweba, ne kwimutongola, namba muyenga na kupanga bipangwa, kabiji abya bipangwa byenu bikekajikwe. Namba umvwe mukalomba kintu kwi Bataata mu jizhina jami nangwa kya byepi, bakemupakyo.

Kafwako muntu uji na butemwe bwakila buno ne, amba muntu e beelele balunda nanji mweo wanji.

Misampi yonse iji mwi amiwa ibula kupanga bipangwa, beifumyako, ne yonse misampi ipanga bipangwa, nayo beiwamisha, pakuba amba ipange byavula.

Uno ye mukambizho wami, namba mwitemwe anweba bene na bene, byonka byo nemutemwa amiwa.

Monka mu kino mo batumbijikilwa bataata, pa kupanga bipangwa byavula anweba, byonkabyo mukekala ke baana bami babwanga.

Amiwa ne mung'anzang'anza wa kine, Bataata bo banjimi.

Inge muntu ne kwikala mwi amiwa ne, utaiwa nobe musampi, ne kuma wauma, kabiji beibungizha pamo, ne kwiitaya mu mujilo, ne kupya yapya.

“Bino bintu nebyamba kwi anweba, namba lusekelo lwami lwikale mwi anweba, kabiji namba lusekelo lwenu lulumbuluke.

Umvwe mwalama mikambizho yami, mukekala mu butemwe bwami, byonka byo nalama mikambizho ya Bataata, ne kwikala mu butemwe bwabo.

Nemukambizha bino bintu, namba mwitemwe anweba bene na bene.”

Inge mwajinga ba pano pantanda inge ba pano pantanda bemutemwa, mambo batemwa babo bene. Pakuba anweba byo mwabula ba pano pantanda, ne amiwa nemusalulula mu ba pano pantanda, ba pano pantanda bemushikwa