Popular Bible Verses from 1 Ab’i Tesalonike 5

Share

Munezerwe imisi yose; musenge ubudasība; mwame mukenguruka muri vyose, kukw ico ari co Imana ibagombako muri Kristo Yesu.

Kand’ Imana Nyen’ amahoro ibe ari yo ibeza rwose: kand’ impwemu yanyu n’ubugingo n’umubiri vyose hamwe bizigamwe, ngo bize bisangwe bitagira umugayo, ah’ Umwami wacu Yesu Kristo azozira. Ībahamagara n’iyo kwizigirwa; no kubikora izobikora.

Mwirinde, ntihagire umuntu yīhōra uwundi ikibi yamugiriye, ariko mwame mukurikira iciza mu vyo mugiriranira no mu vyo mugirira abandi bose.

Nuko muhanūrane, mukomezanye, nk’uko mubikora nyene.

Kandi turabahanūra, bene Data, muhubūre abasaragurika, muremeshe abarandutse imitima, muramire abanyantege nke, mwihanganire bose.

Kukw Imana itādushiriyeho kuturakira, ariko yadushiriyeho guheshwa agakiza n’Umwami wacu Yesu Kristo

kuko mwese mur’ abana b’umuco n’abana b’umurango. Ntitur’ ab’ ijoro cank’ ab’ umwiza.