Popular Bible Verses from VAFILIPI 2

Share

Muvuli khukholakhu shindu shiosi khulondokhana khu likomba liu khwiyenyela vindu inoho likomba liu khwichinjilila vutswa; navutswa muve vichehitsi khu vandi, vuchila khukanakana muli valahi muno khuvira vandi. Shia mulala khu munyi avuli khwiyenyela vulahi vwevwe mwene wonyene; navutswa yenyelekhu khandi vandi vulahi.

Muve ni liiva khuli lia Kristo yali nalio mu munyi vene

Kristo yali ni liiva lia Nyasaye shia khase khosi; navutswa shiyenya khwilekhanyinya khu Nyasaye, khuvirila khu tsingulu tsietsie tawe. Navutswa yalekha shia shindu shiosi shia yali nashio khurulana khu lienya lielie mwene, nava ni liiva khuli liu murumishi. Yivulwa khuli mundu, khali nalolekha khuli mundu. Niyakhalolekha khuli mundu, yali mwichehitsi khutukha khu likhutsa -- khali khu likhutsa liu khu musalaba.

shichila Nyasaye akholanga mihinzilu chiechie mu munyi shia khase khosi, khumulomba khuva ni lienya khandi khukhola ka yenyanga mukhole.

Khulwa yako, Nyasaye yamuvikha havundu hali nu luyali mwikulu khandi wamuha lira liu vunyali muno khuvira mira kandi koosi. Khulwa yako, khulu khuha lira lia Yesu luyali, shia shindu shiosi shili mwikulu, khulilova khandi hasi mu lilova viliitsa khumusikamila. Shia shindu shiosi shilitsa khuvoola havulavu ndi Yesu Kristo neye Mwami, khulu khuhaana vukhumi khu Nyasaye, uli Tata.

Mukhole shia shindu shiosi, vuchila khwililila inoho khuhangalitsana mulilomoloma, khu muvuli khuva nu vutamanu vwosi, khandi muve vanihu khuli vaana va Nyasaye vaseletse, vamenyanga mu shivala shia vandu vakoyana khandi vakholanga vwoni. Khutukha mwang'ang'e muvo, khuli tsinyining'ini tsiang'ang'anga mwikulu

Khulwa yako, valina vaanje va nayaanza, lwa namenyanga na munyi, shia khase khosi mwalondanga malako kaanje; khali vuliitsa khuva vulahi muno, niiva mulalonda malako kaanje nunundi lwa mbulaho. Mutsililile khukhola mihinzilu numuria khandi numutechela khu muhonyinywi mu vwatoto