Popular Bible Verses from VAFILIPI 1

Share

Khulwa yako, ndi ni lisuuvilitsa ndi Nyasaye wraanjitsa muhinzilu mulahi yuku mu munyi, alatsililila khukukhola khutukha lwa akurweshitsa Khulitukhu lia Yesu Kristo aliitsa khukalukha.

Saalanga ndi vuyaanzi vwenyu vutsililile khumeetekha muno, halala nu vucheli vwatoto khandi likhalaka liu vuseletse, khu muve nu vunyali vu khurovola khukhola malahi; khu muliva vavoholole khurula mu vindu vionekha nende vutamanu vwosi, khandi muvuli khuva nu vwoni vwosi Khulitukhu lia Kristo aliitsa khukalukha.

Khulwanje, khuva mwoyo ni Kristo, khandi khukhutsa nu vukhala.

Sanditsanga Nyasaye wanje shia khase khosi, lwa nganakananga munyi

Shindu shikali shili ndi khutukha mumenye khulondokhana khuli Ivanjeli ya Kristo yenyanga; khu khali niiva nyala khwitsa inoho mbuli khwitsa khumulola, nilihulila ndi mwasinjila ni tsingulu mu liiva lilala khandi muli ni likomba liu khukhola halala mihinzilu; shichila lisuuvila lirulanga khu Ivanjeli.

Likomba lianje likali, khandi lisuuvilitswa lili ndi mbuli khunyola tsisoni mu muhinzilu kwanje; navutswa shia isaa yosi, khandi khushila muno nunundi, mbe ni ikholo indinyu, khu nilirumishila liiva lianje liosi khuha Kristo luyali, khali kave shili mwoyo inoho niitsa khuva ninakhutsa.

Mwaheelwa vwiyangu vu khurumishila Kristo, shikanyala khuva khusuuvila muye khwonyene tawe; navutswa khali khunyakhana shichila ye.