Popular Bible Verses from VAKOLOSAI 3

Share

Mumanyinyi vwikhutsili khu shia mulala. Niiva mundu yilililanga shichila wundi, nu vulahi khusemehana. Musemehane vene khuvene khuli Mwami yamusemeha.

Mure tsinganakani tsienyu khu vindu viu mwikulu; navutswa muvuli khutsira khu vindu vili khulilova khunu

Shia shindu shiosi shia mukholanga, mwenyekhanga mushikhole nu mwoyo kwosi, khuli mukholelanga Mwami; navutswa shikanyala khuva ni vandu vamukholelanga tawe.

Khulwa yako, lwa muli vandu va Nyasaye yarovola, vamenyanga mu vutakatifu, khandi va yayaanza, muve nu mwoyo kwi tsimbavasi, mwoyo mulahi, nu vwichehitsi, vuhoma nende likhutsila.

Nu vulahi likhuva lia Kristo khumenya mu munyi khuvirila mu vuhinda vwalio vwosi. Mwechitsi vandi khandi mwivaalilane vene khuvene mu vusitsa vwosi. Mwimbe tsitsabuli, tsinyimbo, nende tsinyimbo tsindakatifu, numusanditsa mu mioyo chienyu. Shia shindu shiosi shia mukholanga, kave mulilomoloma inoho mu vikholwa, mwenyekhanga mukhole khuvirila mu lira liu Mwami Yesu, numusanditsa Nyasaye, uli Tata khuvirila muye.

Meeti khu vindu vienevo viosi vuyaanzi, vuhambanyinyanga shia shindu shiosi mu vulala vwatoto.

Niiva mwayisimushitswa khurula mu likhutsa na Kristo, mure mioyo chienyu khu vindu viu mwikulu, wa Kristo yikhalanga khu shisoko shieshie shiu vwami, khuluveka lu mukhono musatsa kwa Nyasaye.

Nu vulahi milembe chia Kristo ahaananga khumwimilila mu shia shindu shiosi shia mukanakananga khukhola. Milembe chienecho, nachio chiachila Nyasaye namulaanga halala khuva mmbili mulala. Nu vulahi khusanditsa.

Khulwa yako, mulekhane ni likomba liu mmbili liu mu shivala, likholanga muhinzilu mu munyi khuli mwiima mutamanu kwa mundu musatsa nende mukhali vakholanga lwa vakonanga halala nivashili khuhilana khuli musatsa nu mukhali, mwiima mutamanu kwi shifwavi, likomba li likhayilwa, likomba litamanu, nende vung'wang'wa (shichila vung'wang'wa, nakhwo khusaala khu misambwa).

shichila mwakhutsa khale, khandi vulamu vwenyu vwaviswa na Kristo mu Nyasaye.

Navutswa nunundi mulekhane ni vindu vienevo viosi: vurima, vululu, nende tsinganakani tsiu khuhimana. Muvuli khunyekanakhu inoho khulomoloma vindu vitamanu.

Muleshe khuvehana vene khuvene; shichila mwalekhana ni limenya likhulu, halala ni miima chialio; khandi mumenyanga khulondokhana khu limenya liyia. Nalio likholwangwa khuva liyia mu vucheli khulondokhana khu likoondo liu Muloonji.

Munyi vasatsa, muyaanze vakhali venyu, khandi muleshe khuvalulila.

Munyi vaana, muhulile vivuli venyu mu shia shindu shiosi shia mukholanga; shichila nako ka yaanzitsanga Nyasaye.

Munyi vakhali, muve vichehitsi khu vasatsa venyu, shichila nako ka yaanzitsanga Mwami.