Popular Bible Verses from Isabulin 18

Share

Lokapolon nes lokedaran kang'; nesi nes erait ebuku kang'. Akuju kang' nes erait lokedaran kang', bobo ajaasi eong' ka nesi akuit eong'. Idari nesi eong' bala ebuku; kigang'i nesi eong' ka akidara eong' kojokan.

Akuju lo ikote asomisio keng' edolito ai! Ikote akiro keng' emunokina ai! Eputosi nesi ka ebuku kamaka ng'ulu kere kalu ekotosi akidaro keng'.

Anyarauni eong' Lokapolon, kosodi nesi ayuuni eong' kamaka ipading'atin kang'. Keturuoto Lokapolon!

Kocani kang' anyarauni eong' Lokapolon; abu eong' kanyarau Akuju kang' aking'arakin eong'. Ejii nesi otogo keng', abu nesi kiira eporoto kang'; kiirari nesi akimonyo kang' naka akote aking'arasit.

Okwai Lokapolon, ijo iinanikini eong' acaus; ijo ilemari akirionus kang'.

Nesi nes Akuju lo inakiit eong' agogong', lo idari eroto kang'.

Ejari Lokapolon! Kiturwoi ebuku kang'! Kiturwoi Akuju lokeyuunan kang'.