Popular Bible Verses from Awaragasia 16

Share

Kilip Lokapolon kisulwanyik akitemetemesio kon, ebunete awomowomosia kon araun nuka abeite.

Ibeikini ijo akiten akitemetemesio kon, konye Akuju nesi eyait nu isomae ijo.

Akiro nuka asyanut eputosi ka esik, ejijim bobo ejoka ka akijar kon.

Ibeikinete oni akitene akitemetemesio wok, konye Lokapolon bon nes ejaasi ka akirot naka esial.

Ejokuna itwan ni mam ketapana anyunyurari akilanya nika agogong'u; ejokuna ni eyait ejautene keng' ka ilope, akilanya ni eyari ere lokapolon kere.

Epogi kiyari ijo amudiaro, akitopoloro kibirori ijo.

Ibeikini ijo akiitununi ebe ng'in ibore ni isomae ijo ideere, konye etubokini Lokapolon nu ikote ijo asoma.

Kopup nu isisianakino ijo, ebunete akiro kon ajokar; komunok Lokapolon, ibuni ijo alakari.

Ejokuna ajaus ka iboro idis, lu idumuut ijo ka abeite, akilanya ajaus kalu ipu lu idumuut ijo ka akirod.

Nu iitunene ijo erait eroto lo ideere ebeikini ayar ijo atwanare.

Eyeete itung'a lukarokok elodo; igurunete kesi ican ka akibil epaperone.